Бацькоўскі сход у рэжыме анлайн
На мінулым тыдні ў Барысаве прайшоў V Абласны бацькоўскі сход, які сабраў разам
бацькоў і педагогаў Мінскай вобласці. Сёлетні форум быў па-сапраўднаму адкрытым
для ўсіх: адказы на шматлікія пытанні атрымалі не толькі бацькі, педагогі, але
і прадстаўнікі ўлады.
У бацькоўскім сходзе прынялі ўдзел міністр адукацыі Беларусі Сяргей Аляксандравіч
Маскевіч, намеснік старшыні Палаты прадстаўнікоў Нацыянальнага сходу Віктар Аляксандравіч
Гумінскі, старшыня Мінскага абласнога выканаўчага камітэта Барыс Васільевіч Батура,
начальнік упраўлення адукацыі Мінскай вобласці Таісія Іванаўна Данілевіч.
Больш за 700 прадстаўнікоў з ліку бацькоў, педагогаў, а таксама тых службаў і
ведамстваў, якія стаяць на абароне інтарэсаў дзіцяці, сабралася ў Барысаве. Яшчэ
больш за тысячу чалавек прысутнічала ў 6 рэгіянальных студыях Мінскай вобласці.
Форум у рэжыме анлайн дазволіў зрабіць размову больш канструктыўнай.
Перад пачаткам пленарнага пасяджэння ўдзельнікі бацькоўскага сходу атрымалі магчымасць
наведаць 14 тэматычных пляцовак, 8 з якіх працавалі непасрэдна ў Барысаве, а 6
— у рэгіёнах вобласці. | 
